Det lyse i stille grendi
men ikkji alle stan
han ola oppi svingen
tenne kun lys
der han treng å sjå
treng kji sjå så mykjy
det vesle han eig
veit’n ko står hen
held se mest før se sjøl
han ola oppi svingen
driv med gris
småskalaproduksjon
ein gris
har eigen villa
einebolig
eit rom
plass te både
kjøkkenbenk
og ein sovesofa der
væle rundt
pressa seg inn i
FM-mottaker’n
på benken
P4 og Vallers radio
gjer eit
balansert bilde
tå
nyheiti og kultur
frå det store
inn- og utland
ved sia tå radio’n
står
meddagsservis
asjetta
koppa
glas
og bestikk
te ein person
behovsstyrt oppvask
mat på bordet
fleire gongi
i viku
kaffe
drikk’en berre
når’n æ vakin
det går mot jul
snø’n ha slutta blåse
inn på gølvet
ette’n kjøpte
tetningslist
rundt ytterdøre
gøtt og varmt
inne no
kan søva utta luve
han ola ligg stire opp i
himlinge
ser tre tegnestifti
på rekke og rad
helvan meter mellom dei
tre tegnestifti som
gjer feste før
varme tanka
eit varmt hjarta
og varme julekvelda
som
klyppe ein lang vinter i to
heile året klora stifto seg fast
oppundi åsstokken
der stunda dei på
adventstide
då dei
endå ein gong
ska bli te nytte
han Ola veit
ko som venta
julestemninge
kjem sigan
gjer se i veg bortåt
det rosemåla hjørneskåpet
øvst på skåpet står
med sirleg skrift
anno 1842
lyt ta ein titt
neri skoasken han har gøymt
på øvste hylla
der
undi ei nålpute
nokon glansbildo
to dorullnissa
og ei valnøtt
med sytrådhempe
finn ‘en det han
ser ette
grønn og raud
metallik-folie
lag på lag
i ein bunke
flatpakka roso
rein magi
i himlinge fins stifti
å henge det i
som ein sommarfuggel
som spring ut
tå puppa si
folda seg ut
i all si prakt
synlig berre ein gong
i året
han ola
han ola
har girlander
girlander har’n ola
han plukka
girlander-puppa
førsiktigt opp
og legg ho
på kjøkkenbordet
i mørgo æ det
fysste desember
då kjem’en
sander
henge opp girlander
æ tomanns-arbeid
ein mann
med vengespenn
på snaue to meter
kan ikkji
falde ut
tre og ein helv meter med
girlander
åleine
treng hjølp
han sander kjem ette
fjøsstellet
han ola
hadde siste fjøsstellet
i går
grisen tok ansvar
det bli ribbe
med svidd svor
på julebordet
i år med
han sander
sku ta med eigen kopp
og talik
i mørgo
når girlander´n
heng i to tunge bøga
over eit overdådigt
matbord
då ska dei prate
om alt som
ikkji skjedde
i året som gjekk
eta så det knasa
synge ein julesang
dei har gløymt
andre verset på
og så ska dei skåle
før alt dei slapp
å tenke på
meir trengst ikkji
syns’n ola