Ventetide

han har lese skriften
så han veit ko advent betyr

å vente på det store
som ska skje

han ola har virkele true
på at det store ska skje

deffør sit´n på ein krakk
bortved glase
og stire på stjerna
som heng på himmelen
og blenke klårar
enn alle dei andre

han sit å venta

han ola æ vand ved
å vente

han kan det å vente

han har venta heile livet
så han finn ro
i det å vente

ro
og stillheit
som her og no

her og no
stillheit og ro

han bli døsig
tanka set se
på ei rosa sky
og dreg bakover i tid

augo bli tunge
pusten bli roligar

dagen i dag
får bleikare fargo
på veg inn i eit anna liv

her og no
byte plass
med der og då

draumen får overtaket

han kjenne ein anna
varme i huset
lufte tå mjøl på tung takke

og med eitt står ho der
ho mor

med førkle
knytt i livet

og grønt
rutut skaut

baka
steike
vaska
pynta

han kjenne ho ruska´n i håret
på tur mellom
oppvask
takke
og bakarøvdn

i gangen høre´n tunge steg
lyden tå fjøsstøvla
som bli sett bakom døre
ein som nynna deilig er jorden
på inn- og utpust

han ola kjenne
sterke neva
som tek tak i´n
og løfta´n opp på eit fang

velkjend luft
tå pipetobakk
krøter
og mjølkespann

han bli børe
på ein sterk arm
uti stugu

der står treet
høgreist

eit grønt og
glitranes tre

god dag

ujavnt bekvista
men javnt pynta

med lys
glitter
norske flagg
raude kulo
og ein standhaftig nisse
som klora se fast
te stamma

mens dorullengelen
ser på´n
med eit skrått blikk

han ola bli sett
varsomt
ned på gølvet

ser undi treet

og der

ikledd gråpapir
og eit raudt band
med sløyfe

ligg starten på
den lengste tide
den virkelige
ventetide

tide frå no

og fram te

at julegåva kan
avdukast

eit langt år
pressa inn
i nokon fåe tima
med dagslys

dei ska
bade

pynte se

gå i kjørkja

ein tur innom
ho bestemor
på kvileheimen

heimatt

eftagskvile

så kjem familien

julemeddag

føréta se

må vente med
dessert og kaffe

øpne pakka mens mø venta!?

ånei!!

maten må synke

så kaffe
dessert
og kaker

mykjy kaker

sju slag

smaka på alle

sjokoladetebrøo
va gode i år
steikt dei før lengi..?

nei, nei
akkurat passe

riskrem
enn
møltekrem

gøtt mølteår i år

vil hella ha riskrem

jordebær-
enn bringebærsaus?

begge æ heimlaga

trur jammen e
førét me att

han far må ha ein
liten sofastrekk

så
endeleg
alle dreg stolat´n
med seg
og laga sine eigne
stripo
i sprøkke furugølv
kor sine stiga
på oppdagelsesferd
bortåt treet

ein og ein
ska få
julegåva si

pakke opp
ei om gongen

alle lyt sjå
ko alle får

takke pent
gje ekstra god klem
te ho bestemor

ei om gongen…

til mor i huset
til onkel terje
til bestemor
til tante anna
til…
til…
til…

så…

gråpapir
raud sløyfe

til ola…

bank
bank
bank

Ska te å pakke opp…

bank
bank
bank

draumen sleppe taket
seila iveg
bakover
dit ingen kan nå

der og då
bli te
her og no

…og inn kjem´n
sander
ja plutsele
så va´n der

vil berre innom
med ei julehelsing

han ola tek imot
den vesle runde boksen
som æ pakka inn
i gåvepapiret
han sjøl brukte
på gåva hass sander
i fjor

han sander får att
sama eins
tå´n ola

takka i hånde

øpna gåvo synkront
si
å du skulle då ikkji..!!

øpna løket
på to heilt like
julehelsinga
og legg innpå
kor sin pris

ynskje god jul

så går´n sander

han ola dreg krakken
bortåt glase att
set se te å sjå
prøva finn att stjerna
og den får´n auga på

han bli tankefull…

heng ikkji
den blankaste
tå alle stjerno
rett over taket hennes marit..?